आपण जाणते-अजाणतेपणी सहज सोप्या गोष्टी अवघड करून ठेवतो. त्यामुळे वारंवार आपले लक्ष पूर्णत: कामात केंद्रित न होता अन्य बाबींकडे वेधले जात राहते. यासाठी गोष्टी अधिकाधिक सोप्या करण्याचा प्रयत्न करा, जेणेकरून आपण कामात अधिक लक्ष केंद्रित करू शकू. खालील काही तंत्रे तुम्हाला यासाठी निश्चित मदत करतील.
संपूर्ण शक्ती / उर्जा कामावर केंद्रित करा
जेंव्हा तुम्ही महत्वाच्या कामात असता किंवा तुमचा अभ्यास करत असता तेंव्हा तुमचे लक्ष विचलित करणाऱ्या गोष्टी बाजूला ठेवा. जर तुम्ही घरात असाल तर तुमचे पाळीव प्राणी तुमचे लक्ष वेधून घेवू शकतात आणि तुम्हाला कामापासून विचलित करू शकतात. मोबाईल किंवा कम्प्युटरवर येणारे व्हाटसअप, ईमेल किंवा इतर प्रकारचे नोटिफिकेशन बंद करून ठेवा. अगदी शक्य असल्यास काम पूर्ण होईपर्यंत मोबाईल फ्लाईट मोडवर देखील ठेवू शकता. यामुळे तुम्ही अधिक एकाग्रपणे आणि पूर्ण क्षमतेने तुमचे काम करू शकता.
स्वत:ला कामाच्या प्रवाहात आणा
अनेकदा आपण इतर विचारात गुरफटून गेलेलो असतो आणि अचानक पुढील काम करायला घेतो. अशा वेळी आपल्या मनात अजून आधीच्याच कामाची साखळी सुरु असते आणि त्यामुळे नवीन सुरु केलेले काम आपण पूर्ण क्षमतेने करू शकत नाही. विद्यार्थ्याच्या बाबत तर हा प्रकार रोज घडत असतो. एका विषयाचा अभ्यास संपवून लगेच दुसऱ्या विषयाचा अभ्यास सुरु करताना हा अनुभव अनेक विद्यार्थ्यांना येत असतो.
यासाठी काही क्षण डोळे बंद करून शांत बसा... काही दीर्घ श्वास घ्या... किंवा जागेवर करता येवू शकतील असे साधे सोपे व्यायाम दोन ते पाच मिनिटे करा. यामुळे आधीचे काम किंवा विचारांची साखळी खंडित होवून नवीन कामात संपूर्ण लक्ष देणे शक्य होईल.
Launch your Graphy